Raporti mes Sarah Berishës dhe DJ PM ka qenë së fundmi në qendër të vëmendjes dhe shumë i komentuar në rrjetet sociale.
Kjo marrëdhënie ka tërhequr vëmendjen e fansave për shkak të mungesës së daljeve publike të çiftit, duke ngritur dyshime mbi qëndrueshmërinë e lidhjes së tyre.
Ndjekësit kanë qenë të etur për të zbuluar më shumë rreth asaj që ndodh mes tyre, duke e bërë këtë temë një nga më të diskutuarat në platformat sociale.
Pas një periudhe të gjatë spekulimesh, ata janë parë së fundmi bashkë në një mbrëmje në një lokal të njohur në Tiranë.
Kjo paraqitje ka ngjallur shpresat e ndjekësve se marrëdhënia e tyre është ende e fortë dhe se çdo gjë mes tyre është në rregull.
Gjatë kësaj mbrëmjeje, ata ishin në shoqërinë e ish-banorit të ‘Big Brother VIP Albania’, Kledi Hysa, një detaj që ka shtuar edhe më shumë interesin për këtë takim. Çifti dukeshin të relaksuar dhe të lumtur, duke shijuar momentet e tyre së bashku.
