Qeveria e Republikës së Kosovës ka zhvilluar të premten mbledhjen elektronike, në të cilën ka miratuar disa vendime.
Kabineti qeveritar ka aprovuar listën e kandidatëve të propozuar për tre anëtarë të Bordit të Komisionit të Pavarur për Miniera dhe Minerale, si në vijim:
-Habib Basholli;
-Nasuf Mjekiqi;
-Bahri Karaça;
-Avdi Mjeku;
-Hasan Preteni;
-Kaltrinë Demiri.
Po ashtu, ka miratuar kërkesën e Ministrisë së Mjedisit, Planifikimit Hapësinor dhe Infrastrukturës, për rritjen e kufirit të shpenzimeve në shumë prej 10 milionë euro për Projektin “Rehabilitimi i Linjës 10 Hekurudhore Fushë Kosovë – Han i Elezit”, nga fondet e huamarrjes klauzola e investimeve.
“Rritja e kufirit të shpenzimeve bëhet për mbulimin e obligimeve të projektit nga Kredia me Bankën Evropiane për Investime dhe nuk ndikon në tejkalimin e kufirit të deficitit sipas rregullës fiskale”, thuhet në njoftimin për media. /Telegrafi/
