Rafael Leao, sulmuesi i njohur i Milanit, ka ndarë me publikun rrugëtimin e tij fascinues dhe mënyrën se si klubi i kuqezinjve ka ndikuar në formësimin e karrierës së tij. Në një intervistë për “Icon Magazine”, ai flet për transformimin personal dhe profesional që ka përjetuar që nga ardhja në Milano në moshën 20 vjeçare.
Leao shprehet se eksperience e tij te Milani ka qenë ndihmuese për rritjen e tij si lojtar. “Kur mbërrita te Milani, isha ende një djalosh, por tani ndjehem si një burrë. Klubi dhe stafi i tij më kanë ndihmuar të rritem në çdo aspekt, duke filluar nga shokët e skuadrës deri te drejtuesit. Të gjithë ata që kanë qenë pranë meje në këto vite kanë kontribuar në suksesin tim,” thekson ai.
Përballë kritika, Leao thotë se ai zakonisht nuk i lexon ato, duke sqaruar se “nëse të kritikojnë, kjo do të thotë se ke standarde të larta dhe se pritet shumë nga ti. Unë nastështëndje presioni, pasi futbolli është gjëja më e bukur për mua. Çdo herë që futem në fushë, përpiqem të shfrytëzoj çdo mundësi për të dhënë më të mirën time”.
Kur flasim për momentet që i mbahen më afër zemrës, Leao përmend ndeshjen e tij debutuese në Botërorin 2022 kundër Ganës, ku shënoi golin e tij të parë me kombëtaren, dhe sfidën e fundit të kampionatit kundër Sassuolos, që siguroi titullin për Milanin. “Këto ndeshje do t’i mbaj jetë e mot në kujtesë”, thekson ai me emocion.
Sa i përket aftësive të tij në driblim, ai shprehet: “Driblimi është simboli i qetësisë sime në fushë. Kur jam atje, arrij të lë mënjanë presionin dhe t’i jap më të mirën time në çdo situatë”. Leao gjithashtu shpreh dëshirën për të vazhduar të përmirësohet dhe të shkëlqejë si lojtar, duke synuar të bëjë gjithmonë më të mirën.
Rreth qëndrimit të tij në Milano, ai e sheh këtë qytet si një burim pozitiviteti. “Ka shumë tifozë të Milanit, ushqimi është i shkëlqyer dhe klima përputhet me atë të Portugalisë. Familja jonë ndihet si në shtëpi këtu”, thotë ai, duke shprehur nostalgji për vendlindjen, por gjithashtu mirënjohje për gjithçka që Italia i ka ofruar.
Leao gjithashtu zbulon pasionin e tij për modën, duke thënë: “Më pëlqen të vishem thjesht, por me stil. Milano është një qytet mode dhe kam mësuar shumë në këtë fushë. Babai im më mësoi rëndësinë e veshjes, pavarësisht nga mundësitë tona financiare në fëmijëri”. Kjo zakonisht reflekton në stilin e tij personal dhe në sjelljen e tij në skenën publike.
Kur flasim për muzikën, ai zbulohet si një adhurues i zhanreve të ndryshme. “Dëgjoj gjithçka që pasqyron humorin tim. Ibrahimovic, pavarësisht disa shqetësimeve në fillim, e kuptoi se muzika është pjesë e personalitetit tim dhe nuk më shpërqendron nga futbolli”, thotë ai, duke treguar se si ai e lidhi pasionin e tij për muzikën dhe sportin.
Leao gjithashtu flet për përvojën e tij si baba dhe vlerën e kohës. “Fëmijët e mi janë forca ime, dhe çdo moment me ta është i çmuar. Buzëqeshjet e tyre e bëjnë çdo vështirësi që kaloj në jetë më të lehtë”, përfundon ai, duke shprehur dëshirën për ti ofruar atyre një të ardhme të shkëlqyer.
Dhe, në fund, ai nënvizon se “ende kam shumë objektiva për të realizuar”. Ai shpreh dëshirën për të vazhduar të luajë në nivele të larta dhe të përjetojë më shumë momente magjike në fushë, duke e mbajtur pasionin për futbollin dhe familjen në qendër të jetës së tij.