Mbrëmja e djeshme në Big Brother VIP Albania solli emocione dhe momente argëtuese për banorët, teksa u transmetuan pamjet nga nata e tyre e parë në shtëpinë më të famshme në Shqipëri. Ky moment ishte veçanërisht interesant për Gjestin, i cili iu bashkua spektaklit më vonë dhe nuk kishte informacion mbi disa nga ngjarjet e fillimit.
Një episod që shkaktoi shumë reagime ishte hyrja e të dashurës së tij, Egli, në shtëpi. Në natën e parë, Egli kishte marrë rolin e prezantueses për të futur një banor tjetër, Olsi Abazin. Por mënyra se si moderatori Ledion Liço e prezantoi hyrjen e tij, duke përmendur vetëm emrin “Olsi”, krijoi një keqkuptim të madh.
Kjo bëri që jo vetëm publiku, por edhe vetë Gjestit t’i shkonte mendja te Olsi Bylyku, ish-partneri i Eglit. I befasuar nga ajo që po shihte, ai reagoi menjëherë duke thënë: “Rrenë koftë!”, një frazë që shkaktoi të qeshura mes banorëve dhe që u bë virale brenda pak minutash në rrjetet sociale.
Ky moment jo vetëm që shtoi argëtimin në shtëpi, por gjithashtu u kthye në një nga skenat më të komentuara të spektaklit, me shumë ndjekës që shpërndanë videon dhe bënë meme rreth situatës. Big Brother VIP Albania vazhdon të surprizojë me momente të tilla të papritura, duke mbajtur publikun të lidhur me çdo zhvillim brenda shtëpisë.
Shiko videon:
View this post on Instagram