Një rrëfim i fundit i Eni Çobanit në “Grida Duma Podcast” ka shkaktuar një valë reagimesh në rrjet, duke përfshirë edhe një kritikë të fortë nga Rogert Sterkaj. Ai ka shprehur shqetësimin e tij për mënyrën se si janë bërë këto deklarata, duke theksuar se identiteti i personave të përfshirë duhet të zbulohet për të shmangur spekulimet.
“Thuajini emrat!!! Aludime me zero fakte. Pa emra, kjo është thjesht publicitet i shpifur për veten dhe atë ‘gazetaren e akullores’. Kush janë ata?”, shkroi Sterkaj në postimin e tij, ku shfaqen Grida Duma dhe Eni Çobani.
Reagimi i Sterkajt erdhi pas një deklarate të Eni Çobanit, e cila përmendi një konflikt brenda një familjeje të njohur shqiptare. Ajo theksoi se bëhej fjalë për një çift që, megjithëse shfaqeshin të afërt në publik, përballeshin me probleme të thella në marrëdhënien e tyre private.
Çobani pretendoi se të dy partnerët kishin pasur marrëdhënie jashtëmartesore dhe se situata kishte arritur deri në lindjen e një fëmije, atësia e të cilit nuk i përkiste bashkëshortit. Megjithatë, ajo theksoi se çifti nuk ishin divorcuar, pavarësisht se nuk jetonin më së bashku.
Një nga pikat më të diskutueshme të deklaratës së Çobanit ishte mungesa e emrave të përveçëm, gjë që ka nxitur reagimin e Sterkajt dhe ka rritur kureshtjen e publikut për identitetin e çiftit të përmendur.
Pa një deklaratë të qartë nga vetë personat e përfshirë, çdo emër që mund të qarkullojë në rrjet si çifti i përmendur nga Çobani mbetet thjesht një spekulim, duke e bërë situatën edhe më intrigante për ndjekësit e ngjarjeve në media.
