Këngëtarja e njohur shqiptare, Teuta Selimi, ka ndarë me ndjekësit një moment të veçantë nga jeta e saj private, duke publikuar një fotografi krah dy djemve të saj, Matisit dhe Noarit.
Me një karrierë të gjatë dhe të suksesshme në muzikë, Teuta ka qenë gjithmonë e rezervuar për jetën e saj personale. Megjithatë, ajo ka vendosur të ndajë me publikun dashurinë e saj të thellë për djemtë, duke e cilësuar amësinë si profesionin më të bukur që ka pasur ndonjëherë.
“Profesioni ma i bukur: Nana e djemve. Boll e du muzikën, po kurrgja s’krahasohet me djemt e mi”, ka shkruar ajo krahas fotografisë që tregon momentin e ngrohtë me ta.
Kjo ndarje e ndjenjave vjen pas një periudhe të vështirë për këngëtaren, e cila është përballur me sfida të shumta në jetën e saj personale. Edhe pse ka pasur shumë zhvillime që kanë tërhequr vëmendjen e mediave, Teuta ka zgjedhur të ruajë privatësinë e saj.
Një dedikim emocional për djemtë e saj ishte bërë edhe në korrik të këtij viti, kur ajo shprehu dashurinë e saj me fjalët “Deri n’frymën e fundit”, duke treguar se sa e rëndësishme janë ata për të.
Teuta, e cila ka arritur të ruajë një balancë midis karrierës dhe jetës familjare, e ka bërë të qartë se roli i nënës është ai që e plotëson më shumë. Ajo vazhdon të jetë një shembull për shumë gra që përpiqen të menaxhojnë jetën e tyre profesionale dhe personale.