Një ngjarje e trishtueshme ka ndodhur në botën e artit turk, pasi aktori i njohur Serhat Mustafa Kılıç është gjetur i vdekur në apartamentin e tij në Stamboll. Kjo lajmë e papritur ka tronditur fansat dhe kolegët e tij, duke ngritur pyetje mbi rrethanat e vdekjes së tij.
Aktori, i njohur për rolet e tij të spikatura në teatër dhe televizion, u gjet i pajetë në lagjen Kağıthane. Shkaku i vdekjes së tij ende nuk është bërë i ditur, duke lënë hapur mundësi për hetime të mëtejshme nga autoritetet.
Alarmi u ngrit kur partnerja e tij, Özlem E., nuk arriti të kontaktonte me të për disa ditë. Pas shqetësimeve të saj, ajo shkoi në apartamentin e aktorit dhe e gjeti atë të palëvizshëm në divanin e dhomës së ndenjes.
Autoritetet kanë nisur hetimet për të zbuluar shkakun e saktë të vdekjes. Kiliç, 51 vjeç, kishte një histori shëndetësore të komplikuar, sipas dëshmive të partneres së tij, e cila tha se ai vuante nga kanceri limfatik.
Pas mbërritjes së ekipit mjekësor dhe policisë, trupi i tij u dërgua në Institutin e Mjekësisë Ligjore për ekzaminime të mëtejshme. Këto analiza pritet të ndihmojnë në përcaktimin e shkakut të vdekjes, i cili mbetet i paqartë deri tani.
Pamjet e fundit të aktorit janë publikuar, ku ai shfaqet duke u kthyer në shtëpi më 1 shtator. Në ato momente, ai duket i lodhur dhe madje mbështetet në mur gjatë lëvizjes drejt apartamentit të tij.
Serhat Mustafa Kılıç ishte një figurë e njohur në industrinë e argëtimit turk, me një karrierë të gjatë dhe të suksesshme. Ai ishte pjesë e serialit të njohur “Teşkilat” dhe la pas vetes një trashëgimi të madhe artistike. Hetimet për rrethanat e vdekjes së tij vazhdojnë, dhe publiku pret me padurim përfundimet e ekzaminimeve mjeko-ligjore.