Pas fitores kundër Genoa, skuadra e Juventusit e drejtuar nga trajneri Tudor po shikon me optimizëm sfidën ndaj Romës në “Olimpico”, ndeshje që është e rëndësishme për ambiciet e tyre për të siguruar një vend në Champions League.
“Kundër Romës do të jetë një ndeshje e rëndësishme, por jo vendimtare,” theksoi Tudor, duke e bërë të qartë se, ndonëse çdo pikë është e çmuar, nuk është fundi i botës nëse rezultati nuk shkon sipas planit. Ai shprehu optimizëm për marrëdhënien e skuadrës me rezultatet, duke theksuar se “jemi përgatitur mirë gjatë gjithë javës”.
Trajneri foli gjithashtu për vështirësitë që do të përballen gjatë ndeshjes, duke e cilësuar Romën si një ekip të fortë dhe të organizuar. “Pres një ndeshje të vështirë, por jemi të motivuar dhe të vendosur të japim maksimumin,” shtoi ai, duke theksuar se djemtë e tij kanë dëshirë të tregojnë potencialin e tyre në këtë ndeshje të rëndësishme.
Tudori foli për punën e bërë gjatë javës në të dyja fazat, duke përfshirë goditjet standarde dhe përgatitjen fizike. “Kam parë djemtë të predispozuar dhe me dëshirë për të bërë mirë,” tha ai, duke shtuar se atmosfera në skuadër është e shkëlqyer dhe të gjithë janë të gatshëm të kontribuojnë.
Një tjetër temë e rëndësishme ishte rikuperimi i Koopmeiners, për të cilin ka pasur shumë diskutime. “I kemi parë djemtë të angazhuar dhe me motivim të lartë. Ai është një lojtar i fortë dhe do të na ndihmojë shumë”, deklaroi trajneri, i cili shpreson në kontributin e tij për të arritur rezultate pozitive.
Për sa i përket përballjes së tij me trajnerin e Romës, Claudio Ranieri, Tudor e vlerësoi lartë punën e tij. “Ranieri ka bërë diferencën, kjo është e dukshme. Mendoj se si trajneri, ai ka sjellë stabilitet dhe qëllim të qartë në ekip,” tha Tudor, duke i dhënë një notë respekti kundërshtarit të tij në këtë sfidë.
Për të arritur qëllimet e Champions-it, Tudor theksoi rëndësinë e fokusi në ndeshje pas ndeshjeje. “Duhet të punohet mirë gjatë javës në të gjitha frontet. Të jemi kompaktë, por agresivë. Juve nuk duhet të heqë dorë nga asgjë,” tha ai, duke nënkuptuar se angazhimi dhe përkushtimi janë çelësi për suksesin në këtë fazë të sezonit.
Ndeshja me Romën jo vetëm që do të jetë një sfidë për skuadrën, por gjithashtu një test për Tudor në rolin e tij si trajner bardhezi. “E gjithë jeta është një provim, dhe ne përgatitemi maksimalisht për çdo ndeshje. Është një mundësi për të treguar se çfarë mund të arrijmë si skuadër,” përfundoi ai. Kjo ndeshje pritet të sjellë një përballje intrigante dhe emocionuese për tifozët e futbollit.