Në Bangladesh, vajzat martohen në një moshë fare të re.
Shumë prej tyre bëhen nuse pa i mbushur të 13-at dhe burrat janë disa vite më të mëdhenj në moshë.
Një reportazh i BBC-së sjell rastin e një vajze, e cila u martua pa mbaruar ende shkollën tetëvjeçare, ndërsa u la nga burri pa i kaluar të 14-t.
Rasti nuk është i vetëm dhe ka shumë nuse që braktisen pa mbushur 16 vite.
“Unë u martova në 13 ose 14 vjeç, kur isha ende në shkollë.
Do të kishte qenë më mirë nëse unë mund të kisha thënë jo.
Një ditë pas martesës ai, ma bëri me forcë.
Kur ai më kapi i bërtita.
U ndjeva shumë e frikësuar, por ai tha:
‘Nuk ka asgjë për frikë, të gjitha vajzat e bëjë atë pas martesës.
Ju nuk jeni më fëmijë!’. Tre muaj më vonë, ai u largua”, rrëfen një vajzë.
