Këngëtarja e njohur Xhensila Myrtezaj ka ndarë me ndjekësit e saj një moment të veçantë familjar, teksa i biri ka nisur aventurën e tij të parë në kopsht.
Me një postim emocionues në rrjetet sociale, Xhensila ka shprehur ndjenjat e saj si nënë, duke theksuar se ky moment është një hap i vogël për të birin, por një ngjarje e madhe për të. Ajo e përshkruan këtë ditë si një fillim të ri plot mundësi dhe emocion.
“Sot fillon një nga aventurat e tua të vogla, biri im. Një hap i vogël për ty, por një botë e tërë emocionesh për mamin”, ka shkruar ajo, duke e bërë të qartë se sa shumë e rëndësishme është kjo ditë për të.
Xhensila i ka uruar të birit që kopshti t’i sjellë shokë e shoqe të mirë, gëzim, mësime të bukura dhe kujtime të paharrueshme që do t’i mbajë me vete gjatë gjithë jetës.
Me një dozë humori, ajo ka ndarë edhe “marrëveshjen” me të birin për ditën e parë në kopsht, duke i kërkuar që të qëndrojë aty edhe pasi ajo të largohet, një kërkesë që tregon përkushtimin e saj si nënë.
“Pa skena, pa lot, pa ‘mami hajde’ pas 3 minutash… të lutem, bashkëpuno pak me mamin!”, ka shkruar ajo, duke e bërë këtë moment edhe më të veçantë me humorin e saj.
Në përfundim, këngëtarja ka uruar të gjithë vogëlushët që këtë vit nisin kopshtin dhe shkollën, duke u dëshiruar një vit plot gëzim, miq të mirë dhe sa më shumë momente të bukura që do t’i shoqërojnë në këtë rrugëtim të ri.