Xhensila Myrtezaj reagon nga New Yorku pas akuzave për evazion fiskal

Pas një periudhe të tensionuar, Xhensila Myrtezaj ka zgjedhur të shfaqet nga New Yorku, duke tërhequr vëmendjen me stilin e saj të veçantë.

Me një fustan të kuq, tërheqës dhe provokues, këngëtarja ka postuar disa fotografi në Instagram, duke e bërë të qartë se nuk e lë anash pamjen e saj, pavarësisht akuzave që e rrethojnë.

Kjo paraqitje vjen në një moment delikat për Xhensilën, e cila është në qendër të një hetimi nga Prokuroria e Tiranës për evazion fiskal. Ajo akuzohet për shmangie të detyrimeve tatimore që arrijnë në mbi 6 milionë lekë për vitet 2023 dhe 2024.

Hetimet kanë zbuluar se disa depozita të mëdha cash dhe transaksione me pasuri të paluajtshme nuk janë justifikuar nga të ardhurat e deklaruara nga këngëtarja. Çështja tani është dërguar në gjykatë për shqyrtim.

Reagimi i saj nga New Yorku ka ngjallur kuriozitet dhe diskutime të shumta në rrjetet sociale, ku fansat e saj po spekulojnë për situatën ligjore dhe për pasojat që mund të ketë kjo çështje për karrierën e saj.

Ndërkohë, Xhensila vazhdon të mbajë një profil të lartë në mediat sociale, duke ndarë momente nga jeta e saj personale dhe profesionale, duke treguar se është e vendosur të mos lejojë që këto akuzat ta ndalojnë atë.

Me një karrierë të suksesshme dhe një bazë të madhe fansash, ajo mbetet një figurë e rëndësishme në skenën muzikore shqiptare, pavarësisht sfidave që po përballet aktualisht.

Nga Rubrika