Meteo Kosova, një platformë meteorologjike në vend, ka demantuar menaxherin e Agjencisë së Shërbimeve të Navigacionit Ajror, Sherif Gosalci, i cili paralajmëroi temperatura ekstreme në natën e ndërrimit të vitit.
Gosalci në një postim në profilin e tij në Facebook kishte thënë se në ndërrimin e motmoteve në Kosovë do të ketë temperatura deri në – 20 gradë.
“Zhvillimet aktuale preliminare, na paralajmërojnë për një ndërrim të motmoteve me reshje bore dhe acar që mund të përshkohet me temperatura polare edhe deri – 20°C!”, kishte thënë ai.
Por, Meteo Kosova thotë se këto parashikime nuk qëndrojnë.
“Bazuar në parashikimet tona dhe në të dhënat nga burimet meteorologjike globale, nuk parashikohen kushte të tilla ekstreme për vendin tonë”, ka thënë Meteo Kosova.