Një automjet ka rënë në rrjedhën e një përroi rreth orës 01:00 të natës, në zonën e Klosit në Shqipëri.
Mjeti është gjetur mëngjesin e kësaj të shtune, ndërsa dyshohet se drejtuesi i tij, J.K., 30 vjeç, është marrë nga rrjedha e ujit.
Në vendngjarje ndodhen forcat e Policisë së Shtetit, të cilat, në bashkëpunim me banorët e zonës, janë angazhuar në kërkime përgjatë rrjedhës së përroit për gjetjen e 30-vjeçarit.
Rrethanat e ngjarjes janë ende të paqarta, ndërsa autoritetet po punojnë për zbardhjen e plotë të saj.