Ish-banorja e “Big Brother VIP Kosova”, Bia Khalifa, e cila ndodhet aktualisht për një vizitë në Indi, ka ndarë me ndjekësit një moment sa të papritur, aq edhe të pakëndshëm nga një restorant vendas.
Teksa po konsumonte vaktin, vëmendja e saj është tërhequr nga një mi që lëvizte lirshëm në dyshemenë e lokalit, fare pranë tavolinave të klientëve.
Reagimi i Bias ka qenë epik; në vend që të alarmohej, ajo ka nisur ta filmojë duke shprehur habi: “Wow, no way”.
Me humor, ajo e ka pagëzuar menjëherë vizitorin e paftuar me emrin “Ratatouille”, duke iu referuar filmit të famshëm vizatimor me protagonist miun kuzhinier.