Mbrëmjen e djeshme nisi edicioni i tretë i reality show-t “Ferma VIP”, duke prezantuar para publikut kastin zyrtar të këtij sezoni.
Gjatë spektaklit të parë, personazhe të njohur nga fusha të ndryshme kaluan pragun e shtëpisë për të nisur këtë aventurë unike televizive.
Në këtë rrugëtim, publiku do të ketë mundësi të ndjekë një miksim figurash nga muzika, aktrimi dhe rrjetet sociale.
Mes emrave të konfirmuar që u bënë pjesë e formatit janë këngëtaret Soni Malaj dhe Jonida Maliqi, aktorët Elvis Pupa, Romir Zalla, Akil Varfi dhe shkrimtarja Mimoza Ahmeti.
Kasti pasurohet më tej me artistë, prezantues dhe influencues të tjerë, duke përfshirë Toni Vllaçaj, Blerina Bajko, Indri Shiroka, Fabjola Elezaj dhe Dona Sina.
Gjithashtu, garës i janë bashkuar edhe Adion Pula, Sara Karaj, Vanesa Sono, Xhesi Loci, Malbora Gurra, Gresa Sekiraqa, Dj Fairfax dhe Khuba.
Kujtojmë se gjatë këtij rrugëtimi prej 100 ditësh, të gjithë këta konkurrentë do të monitorohen 24 orë në 24 nga një numër rekord kamerash, teksa do të përballen me sfidat e jetesës rurale dhe do të garojnë për shpërblimin e madh prej 200 mijë eurosh.
