Pak orë para finales së “Ferma VIP 3”, tensioni brenda shtëpisë ka arritur kulmin. Një debat i papritur dhe i ashpër ka shpërthyer mes shkrimtares Mimoza Ahmetit dhe Bujakës, duke lënë të kuptohet se miqësia e tyre është në krizë pikërisht në momentin më të rëndësishëm të garës.
Ngjarjet kanë marrë një kthesë të papritur kur Moza i ka bërë të qartë Bujakës se marrëdhënia e tyre ka përfunduar në momentin që ai arriti në finale. Ky qëndrim i ftohtë ka befasuar Bujakën, i cili ka kërkuar menjëherë sqarime për situatën, por përgjigja e Mozës ka qenë e prerë: “S’kam çfarë të sqaroj”.
Bujaka, i zhgënjyer nga reagimi i saj, nuk ka hezituar të shprehë akuzat ndaj saj. Ai ka theksuar se Moza e ka humbur shoqërinë e tyre me këtë sjellje, duke thënë: “Po të ishe shoqe e vërtetë nuk do të silleshe kështu, ti e shkele shoqërinë tonë”. Kjo ka theksuar tensionin mes tyre dhe ka lënë të kuptohet se marrëdhënia e tyre është në rrezik.
Debati ka marrë një dimension të ri kur Bujaka ka sugjeruar se burimi i xhelozisë së Mozës mund të jetë “dasma” e organizuar mbrëmjen e kaluar në fermë mes saj dhe Ilirit. Ai ka nënkuptuar se Moza mund të mendojë se ai është xheloz për këtë situatë, një akuzë që ai e ka mohuar.
“E humbe një shok që nuk mund ta blesh as me çmim, sepse më shkele,” ka përfunduar Bujaka, duke shprehur revoltat e tij ndaj situatës. Kjo përplasje ka bërë xhiron e rrjetit dhe ka sjellë reagime të shumta, veçanërisht në TikTok.
Reagimet e ndjekësve kanë qenë të shumta, me një pjesë të konsiderueshme që janë rreshtuar hapur në krah të Bujakës. Komentuesit e kanë cilësuar Mozën si “të pabesë” dhe “intrigante”, duke shprehur mbështetje për Bujakën me komente si “turp të të vijë, bravo Bujaka”.
Ky debat ka krijuar një atmosferë tensioni që mund të ndikojë në preferencat e publikut për fituesin e kësaj edicioni. Mbetet për t’u parë se si do të zhvillohet situata mes dy ish-shokëve dhe nëse kjo do të ketë pasoja për ta në garë.
Me gjithë këtë dramë, e ardhmja e marrëdhënies mes Mozës dhe Bujakës mbetet e paqartë, duke shtuar më shumë mister në këtë garë të popullarizuar.