Një moment emocionues për Baby G, e cila po përgatitet të bëhet nënë për herë të parë! Fotografitë e saj të bukura buzë detit, me barkun e rrumbullakosur, kanë shkaktuar një valë urimesh dhe emocionesh nga ndjekësit e saj.
Megjithatë, një pyetje e rëndësishme ka mbetur pa përgjigje: kush është partneri i saj? Ky mister ka nxitur kuriozitetin e fansave, të cilët duan të dinë më shumë rreth jetës private të këngëtares.
Pas një videoje romantike që ajo publikoi, ku shfaqet pranë një mashkulli që i prek barkun, misteri është thelluar. Videoja është e mbushur me ndjenja, por fytyra e partnerit mbetet e padukshme, duke lënë fansat të spekulojnë.
Por, Prive By LS ka arritur të zbulojë identitetin e personit misterioz! Ai është Desard Taku, një fotograf dhe videograf i njohur, i cili ka bashkëpunuar me reperin Noizy, një mik i ngushtë i Baby G që nga fillimet e saj në muzikë.
Informacionet e siguruara nga Prive By LS sugjerojnë se lidhja e tyre është më e thellë se sa duket. Desardi ka qenë pranë Baby G edhe para se ajo të hynte në Big Brother VIP, duke e mbështetur atë gjatë gjithë rrugëtimit të saj.
Pra, ndërsa për publikun jeta e saj sentimentale ka mbetur një mister, historia e dashurisë së tyre ka filluar shumë përpara njoftimit të shtatzënisë, duke i dhënë një dimension të ri këtij lajmi emocionues.
Dhe tani, ai që zakonisht qëndron pas kamerës, ka dalë në dritë si personazhi kryesor i historisë së saj! Urojmë që gjithçka të shkojë mbarë për çiftin e ri!