Një person ka drejtuar veturën nën ndikimin e alkoolit sot rreth orës 01:07 të mëngjesit, në rrugën magjistrale Ferizaj-Prishtinë.
Sipas një njoftimi bëhet e ditur se ndaj tij policia i shqiptoi një gjobë për kundërvajtje, 200 euro, 2 pikë negative dhe 6 muaj masë mbrojtëse, heqje e patent shoferit.
“Policia rajonale e komunikacionit rrugor, sot rreth orës 01:07 të mëngjesit, në rrugën magjistrale Ferizaj-Prishtinë, në fshatin Muhovc të Ferizajt ka ndaluar shoferët B.M, i moshës 58 vjeçar, i cili po drejtonte veturën nën ndikimin e alkoolit”, thuhet në njoftim.
Me këtë rast, Drejtoria Rajonale e Policisë në Ferizaj ka apeluar tek shoferët e automjeteve që mos të drejtojnë automjetet e tyre nën ndikim të alkoolit.
“Veprimet e tilla rrezikojnë direkt jetën e tyre dhe të pjesëmarrësve tjerë në komunikacion dhe fton qytetarët të bashkëpunojnë me policinë”, thuhet në njoftim të policisë. /Telegrafi/
