Ish-emisari i SHBA-ve për dialogun Kosovë-Serbi, Richard Grenell, ka thënë se kryeministri i Kosovës, Albin Kurti nuk po e kupton se çfarë po i ndodhë Kosovës.
Grenell tha se komuniteti ndërkombëtar i ka dhënë atij një afat deri të premten që t’i përmbahet angazhimeve që Kosova i ka marrë më parë.
“Komuniteti ndërkombëtar i ka dhënë atij një afat deri të premten për t’iu përmbajtur angazhimeve që vendi i tij ka marrë më parë.”, shkroi Grenell në Twitter.
Tutje, ai tha se “miqtë e mi në Kosovë duhet të përgatiten për pasoja të rënda nëse Kurti nuk respekton.”
“Unë i kam parë pasojat dhe nuk është e bukur.”, përfundoi ai.