Web Analytics
E hënë, 27 Maj, 2024
13.4 C
Pristina

Ish-zyrtari i Gjendjes Civile në Ferizaj arrestohet për keqpërdorim të pozitës

Një ish-zyrtar i Gjendjes Civile në Ferizaj është arrestuar nga Policia e Kosovës më 23.04.2024 nën dyshimin për keqpërdorimi të pozitës apo autoritetit zyrtar.

Në njoftim thuhet se i dyshuari tani mban pozitë tjetër.

Sipas Policisë, ai po dyshohet se derisa ishte zyrtar i Gjendjes Civile deri në vitin 2019, ka regjistruar një shtetas të huaj (turk) në sistemin elektronik të gjendjes civile në komunën e Ferizajt, pa plotësuar kriteret e fitimit të shtetësisë.

“Si rrjedhojë e këtyre veprimeve të njëjtit i ishte mundësuar që të pajiset me letërnjoftim të Republikës së Kosovës dhe pastaj edhe me patentë shofer”– ka njoftuar Policia.

Ndërsa tutje në njoftim thuhet se i dyshuari është ndaluar për 48 orë, kurse i dyshuari turk është ekstraduar në Turqi.

“Me datë 23.04.2024, është siguruar prezenca e të dyshuarit të lartcekur për intervistë në prezencë të avokatit mbrojtës, ku pas intervistës me aktvendim të prokurorit, i njëjti është ndaluar për 48 orë. Ndërsa personi i dyshuar mashkull turk që dyshohet se ka konsumuar veprën penale “Legalizimi i përmbajtjes së rreme” tani është i ekstraduar në Turqi”- thuhet në njoftim.

Të fundit