Një histori tragjike ka prekur zemrat e shumë njerëzve, pasi një nuse humbi jetën vetëm disa orë pas një ceremonie martesore që do të duhej të ishte një festë e lumtur.
Jade Tabrar, 37-vjeçare, dhe Adam Kemp, 42, u martuan më 3 nëntor, pas 19 vitesh bashkë.
Ceremonia e tyre intime u zhvillua në shtëpi, një vend që kishte mbajtur shumë kujtime të bukura për çiftin.
Çifti, të cilët kishin pesë fëmijë, vendosën të kurorëzojnë dashurinë e tyre pasi Jade mori lajmin e tmerrshëm se kishte vetëm tre muaj jetë për shkak të kancerit në stomak.
Kjo ishte një vendim i vështirë, por i domosdoshëm për ta.
Pak orë pas ceremonisë, Jade ndërroi jetë në krahët e bashkëshortit të saj, duke lënë pas një dhimbje të thellë dhe një histori dashurie që do të mbetet e paharruar.
Adam rrëfen momentin e fundit, kur Jade i tha se ishte e lumtur që ishte zonja Kemp.
“Ishte dita më e bukur dhe më e dhimbshme e jetës sime,” tha Adam, duke përshkruar ndjenjat e tij në ato momente të vështira.
Ai e mbajti atë në krahë dhe e inkurajoi të shkonte në paqe, duke e ditur se dhimbja e saj kishte përfunduar.
Jade ishte diagnostikuar me kancer në gusht 2023, pas muajsh vuajtjesh dhe vështirësish gjatë shtatzënisë.
Mjekët fillimisht menduan se simptomat ishin rezultat i lodhjes, por pas lindjes së djalit të saj, u zbulua sëmundja e rëndë.
Megjithëse kaloi nëpër trajtime të vështira, Jade nuk u dorëzua kurrë.
Ajo krijoi një “bucket list” për të realizuar ëndrrat e saj dhe për të siguruar që fëmijët e saj të kishin Krishtlindjen më të bukur, duke u munduar të kalonte sa më shumë kohë me ta.
Pas ceremonisë, Adam ndihmoi Jade-n të vishte pizhame dhe ata biseduan për kujtimet e tyre më të bukura.
Tragjikisht, pas pak minutash, frymëmarrja e saj ndryshoi dhe ajo mbylli sytë përgjithmonë, duke lënë pas një boshllëk të madh në jetën e bashkëshortit dhe fëmijëve të saj.
Tani, faqja që Jade kishte hapur për të mbledhur fonde për ëndrrat e saj, po përdoret për të ndihmuar familjen me shpenzimet e funeralit.
