Ish-finalistja e edicionit të tretë të Big Brother VIP Kosova, Xheneta Fetahu, ishte e ftuara e radhës në një intervistë me Shpëtim Deskun.
Në një bisedë të hapur dhe të sinqertë, ajo ndau momente nga jeta e saj private, por edhe reflektimet mbi eksperiencën në reality-show, e cila i dha një popullaritet të madh në publik.
Përtej rrëfimit për rrugëtimin e saj brenda shtëpisë, Xheneta u përball me një moment të papritur gjatë emisionit. Ajo u befasua nga një mesazh apo gjest vlerësimi prej Adrit dhe Ilirianës, dyshes me të cilën ka bashkëpunuar këtë vit.
Kujtojmë se Xheneta ka qenë protagoniste në dy prej videoklipeve të tyre gjatë vitit që po lëmë pas, duke krijuar kështu një raport të ngushtë profesional dhe miqësor.
Kjo befasi duket se e ka prekur mjaft ish-banoren. E emocionuar nga fjalët dhe vlerësimi i miqve të saj, Xheneta nuk i mbajti dot lotët, duke treguar një anë më të ndjeshme dhe njerëzore, larg dinamikave të lojës me të cilat jemi mësuar ta shohim në ekran. /Prive