Ish- Missi shqiptar Valbona Selimllari ishte e ftuar Living Room në Vizion Plus, ku ka folur për detaje nga jeta e saj profesionale si dhe ajo familjare.
Ajo gjithnjë i ka mbajtur fëmijët larg vëmendjes publike e sot ka treguar arsyen e këtij veprimi.
“Kam pasur një debat me fëmijët.
Ata u rritën dhe nuk e kuptonin pse unë nuk i nxirrja në ekrane apo në rrjete sociale.
Dhe në një nga debatet tona të shumta ishte “pse ti na fsheh”.
Pra gjithë ai kujdes i imi për t’i mbrojtur, për të mos i nxjerrë, ata e kishin përkthyer që i fshehja.
U ulëm dhe i thash, e para që nuk kam dashur t’ju ekspozoj për të qenë e kujdesshme në marrëdhënie me ju.
E dyta është fakti që ju jeni fëmijët e mi, fjala VIP është një fjalë që sot e ka humbur kuptimin.
Dhe unë nuk do doja që ata të kishin ndjesinë që janë specialë se janë fëmijët e Valbona Selimllarit”, është shprehur Valbona.
Kujtojmë se vetëm pak ditë më parë u përfol se djali i saj i madh, ishte partneri i fermeres VIP Gloria Meshit.