Vesa Vllasaliu dhe futbollisti Mirlind Daku tashmë prej disa muajsh janë në qendër të vëmendjes së mediave rozë, për shkak të romancës së tyre që deri vonë e mbanin larg syrit të publikut.
Edhe pse përflitej prej kohësh për një lidhje mes tyre, asnjëri prej tyre nuk e kishte konfirmuar publikisht.
Megjithatë, disa javë më parë, ish-banorja e Big Brother VIP Kosova trazoi rrjetin duke publikuar disa fotografi ku shfaqej pranë të dashurit të saj, futbollistit të njohur Mirlind Daku.
Edhe pse në imazhet e postuara ajo nuk zbuloi fytyrën e tij, ndjekësit e dalluan menjëherë për kë bëhej fjalë.
Fotot që pasqyronin çaste të ëmbla dashurie bënë menjëherë xhiron e rrjeteve sociale.
Tani, duket se Vesa ka vendosur të befasojë sërish ndjekësit, pasi ka ndarë një tjetër moment nga jeta e saj personale.
Në një postim të fundit në Instagram, ajo ka bërë të ditur, në mënyrë indirekte, se është nisur për në Rusi; me sa duket për të vizituar të dashurin e saj, i cili aktualisht luan për ekipin rus Rubin Kazan.
Vesa publikoi një fotografi nga aeroplani, ku vendndodhja e shënuar ishte Aeroporti Ndërkombëtar i Kazanit, duke konfirmuar kështu udhëtimin e saj drejt vendit ku po qëndron Daku.
Megjithëse nuk ndau detaje të tjera, fotografia mjaftoi që rrjeti të “zien” sërish.
