Brukseli sot mblodhi liderët e Bashkimit Evropian dhe të Ballkanit Perëndimor për një samit të rëndësishëm që preku disa nga temat më thelbësore për të ardhmen e rajonit.
Ky samit është një mundësi e vlefshme për forcimin e lidhjeve politike dhe ekonomike midis Bashkimit Evropian dhe vendeve të Ballkanit Perëndimor. Në një kohë kur rajoni vazhdon të përballet me sfida të shumta, angazhimi i BE-së është jetik për stabilitetin dhe zhvillimin e tij të qëndrueshëm.
Në këtë ngjarje, Kosova përfaqësohet nga presidentja Vjosa Osmani, e cila pritet të luajë një rol kyç në diskutimet e ditës. Ajo do të jetë zëri i Kosovës, duke u angazhuar në avancimin e çështjeve që preokupojnë vendin dhe rajonin më gjerësisht.
Temat kryesore që do të diskutohet në këtë samit përfshijnë zgjerimin e Bashkimit Evropian me përfshirjen e Ballkanit Perëndimor. Një nga pikat kryesore të axhendës është Plani i Rritjes për Ballkanin Perëndimor, një strategji që synon të stimulojë zhvillimin ekonomik dhe të promovojë bashkëpunimin mes vendeve.
Po ashtu, Plani Ekonomik dhe i Investimeve do të jetë në qendër të diskutimeve, duke ofruar mundësi për të investuar në infrastrukturë dhe projekte të tjera kyçe. Një theks i veçantë do t’i kushtohet Agjendës së Gjelbër dhe Digjitale, që përbën një hap të rëndësishëm në drejtim të qëndrueshmërisë mjedisore dhe transformimit digjital të rajonit.
Politika e Përbashkët e Jashtme dhe e Sigurisë është një tjetër temë e rëndësishme që do të diskutohet, duke përfshirë strategjitë për luftimin e kërcënimeve hibride dhe kibernetike, që janë bërë gjithnjë e më të zakonshme në epokën moderne. Këto kërcënime kërkojnë një qasje të unifikuar dhe efektive nga të gjitha vendet e rajonit dhe përtej tij.
Migarcioni është një çështje tjetër e cila do të trajtohet në këtë samit, pasi është një problem që prek shumë vende të Ballkanit Perëndimor. Diskutimet do të ndihmojnë në gjetjen e zgjidhjeve të përbashkëta për t’u përballur me sfidat që krijon ky fenomen.
Takimet janë planifikuar të fillojnë në orën 17:30, duke vazhduar me një konferencë për media në orën 19:30. Pas kësaj, liderët do të kenë një darkë pune që pritet të fillojë në orën 20:30, ku do të thellohen bisedat mbi këto tema themelore për të ardhmen e rajonit.