Artistja shqiptare me famë ndërkombëtare, Bebe Rexha, ka reaguar me ironi ndaj raportimeve për një ndalim të mundshëm të rrjetit social TikTok në Shtetet e Bashkuara të Amerikës.
Interpretuesja e hitit “I’m A Mess” ka shpërndarë një video-selfie në llogarinë e saj në TikTok, ku u shpreh: “A mundet dikush të më tregojë se ku do të shkojnë njerëzit ‘cool’ tani që TikTok-u po mbyllet? Po pyes për një mik”.
Fjalia e saj e mbushur me humor dhe sarkazëm ka tërhequr vëmendjen e ndjekësve, të cilët e kanë interpretuar si një mesazh drejtuar atyre që janë bërë të famshëm përmes TikTok, shpeshherë pa ndonjë talent të veçantë apo kontribut të rëndësishëm artistik.
Kjo deklaratë e Bebe Rexhës ka ndezur diskutime në rrjetet sociale, ku fansat kanë ndarë mendime të ndryshme. Shumë prej tyre e kanë mbështetur ironinë e saj, duke vlerësuar qëndrimin e këngëtares ndaj fenomenit të krijimit të famës së shpejtë në platformat digjitale.
Gjithashtu, komente dhe reagime të shumta kanë dalë në skenë, duke përfshirë sugjerime se ndoshta artistët e rinj do të duhet të kthjellin kreativitetin e tyre në formate të tjera.
Nëse TikTok do të mbyllej, ku do të shkonin këta krijues të rinj për të ekspozuar talentin e tyre?
Ndërkohë, raportimet për një ndalim të TikTok në SHBA vazhdojnë të jenë në qendër të vëmendjes, me argumente që lidhen kryesisht me çështjet e sigurisë kombëtare. Autoritetet amerikane kanë shprehur shqetësime lidhur me mbledhjen e të dhënave personale dhe ndihmesën që aplikacioni ofron për ndërhyrjet e huaja.
