Në spektaklin e së premtes në Big Brother VIP Kosova është futur një banor i ri.
Ai është këngëtari afrikano-zviceran Domenik, i cili është i famshëm nga rrjetet sociale për mënyrën se si flet dhe këndon në gjuhën shqipe.
“Unë jam shumë simpatik, bëj shumë hajgare. Dhe jam beqar po”, tha afrikano-zvicerani në klipin e tij prezantues.
E teksa është njoftuar me banorët në darkën e shtruar pas mbarimit të spektaklit, i njëjti iu ka treguar atyre se si ka arritur që të mësojë shqip.
Domenik u shpreh se e kupton gjuhën shqipe fare mirë dhe e flet shkaku i miqve të shumtë shqiptarë që ka në Cyrih – qyteti edhe ku jeton.
Madje modeli Lumbardh Salihu tregoi se me Domenikun është fqinj në qytetin zviceran dhe banojnë shumë pranë njëri-tjetrit. /Telegrafi/
