Përplasja mes ish-banorëve të “Big Brother VIP Albania 5”, Mirit dhe Rogertit, duket se ka marrë një kthesë të re dhe më të fortë.
Një seri deklaratash të ndërsjella në rrjetet sociale ka ndezur sërish atmosferën, duke lënë të kuptohet se konflikti mes tyre është larg përfundimit.
Ngjarjet filluan disa ditë më parë, kur Rogerti, në një intervistë për “Pushime On Top”, zbuloi detaje të papritura lidhur me marrëdhënien e tij me Mirin. Ai theksoi se afërsia e tij me Miri kishte si qëllim të vetëm eliminimin e tij nga gara për çmimin e madh prej 100 mijë eurosh, duke favorizuar kështu fitoren e Selin Bollatit.
Reagimi i Mirit nuk vonoi. Ai publikoi një InstaStory ku shprehej me një mesazh të koduar: “Dhelpra kur nuk i kapi rrusht sigurisht që ishte i prishur. Kështu që thuajeni me zë të lartë se kush ju çoi në finale se nuk është turp! Ps. T’fala nga 006-ta”. Kjo deklaratë e tij u interpretua si një goditje e drejtpërdrejtë ndaj Rogertit.
Pas këtij reagimi, Rogerti u rikthye në skenë me një postim të ri në Instagram, që shumë e panë si një përgjigje të qartë ndaj Mirit. Ai ndau një foto me fjalët: “Ka dallim mes zhurmës dhe peshës. Lëre punën të flasë. Ride with us… or get left behind.”
Në të njëjtin postim, ai publikoi gjithashtu një meme që shoqërohej me mbishkrimin: “Bubi i Rogertit… K.A.P.O.S., rri urtë”. Kjo e bën situatën edhe më interesante, duke shtuar një element humori në një konflikt që është bërë gjithnjë e më serioz.
Me këtë përplasje, duket se tensionet mes dy ish-banorëve po rriten, dhe ndjekësit e tyre janë të etur për të parë se si do të zhvillohet kjo situatë. A do të ketë reagime të tjera? Kjo mbetet për t’u parë.
Një gjë është e sigurt: drama e Mirit dhe Rogertit ka kapur vëmendjen e publikut dhe do të vazhdojë të jetë në qendër të vëmendjes në botën e showbiz-it.