Mbajtja e higjenës orale është thelbësore jo vetëm për të pasur një buzëqeshje tërheqëse, por edhe për të shmangur problemet shëndetësore.
Megjithatë, është ngritur një diskutim se a duhet pastruar dhëmbët para apo pas ngrënies së mëngjesit. Kjo temë ka shkaktuar debate midis dentistëve dhe ekspertëve të shëndetit, duke sjellë përpara dilema të rëndësishme për mirëmbajtjen e higjenës orale.
Por, kur duhet t’i pastrojmë dhëmbët? Stomatologia, Maria Rubio, e cila punon në një klinikë në Madrid, ka dhënë këshillën e saj për këtë çështje të rëndësishme. Ajo ndan një arsye të fortë për të preferuar larjen e dhëmbëve para ngrënies së mëngjesit.
Eksepertja rekomandon që të hani pastroni dhëmbët para se të hani mëngjesin, duke argumentuar se kjo ndihmon në reduktimin e rritjes së bakterieve në gojë. Një fakt i rëndësishëm është se ndërsa ne flemë, goja jonë përjeton një reduktim të rrjedhës së pështymës, duke lejuar bakteret të rriten më lirshëm.
Maria Rubio shpjegon se “Natën, fluksi i pështymës tonë është shumë më i ulët dhe kjo do të bëjë që në mëngjes kur zgjohemi, bakteret të jenë në kulmin e tyre”. Kjo është një situatë e ndërlikuar sepse bakteret ushqehen me mbetjet e ushqimit që ne hamë, duke prodhuar acide të cilat mund të dëmtojnë smaltin e dhëmbëve dhe të nxisin lezione të tilla si kavitetet e frikshme.
Ajo thekson se “nëse hamë mëngjes, ne i ushqejmë ato baktere, duke i bërë ato shumë më aktive dhe duke gjeneruar acide që do të jenë të dëmshme për dhëmbët tanë, duke nxitur kështu lezione si kavitetet”. Kjo tregon se pastrimi i dhëmbëve para mëngjesit është një masë e nevojshme për të mbrojtur shëndetin e gojës.
Përveç kësaj, larja e dhëmbëve përmirëson freskinë e frymës. Duke pastruar gojën nga bakteret përpara ngrënies, ju inkurajoni një fillim të shëndetshëm për ditën tuaj. Meqenëse bakteret janë përgjegjëse për erën e keqe të frymës, një larje e mirë e dhëmbëve para ngrënies do t’ju bëjë të ndiheni më të freskët dhe të gatshëm për të përballuar aktivitetet e ditës.
E rëndësishme është gjithashtu që larja e dhëmbëve para ngrënies së mëngjesit ndihmon në minimizimin e rrezikut të sherbimeve dentare. Duke pastruar gojën, ju zvogëloni ndjeshëm mundësinë e zhvillimit të problemeve dentare, siç janë infeksionet ose inflamacionet e mishit të dhëmbëve.
Përfundimisht, Maria Rubio thekson: “Prandaj, është shumë më mirë të lahen para se të hamë mëngjes”. Kjo këshillë e thjeshtë, e mbështetur nga ekspertët, mund të ketë një ndikim të madh në shëndetin e gojës dhe të ndihmojë në ruajtjen e dhëmbëve tuaj në gjendje optimale për një jetë më të shëndetshme.
