Romancat dhe të papriturat vazhdojnë të jenë pjesë e pandashme e shtëpive të “Big Brother VIP”. Kësaj here, është Xheneta Fetahu dhe Gjesti ata që kanë ndezur diskutimet me një deklaratë provokuese të Xhenetës lidhur me marrëdhënien e saj me Gjestin gjatë qëndrimit në “Big Brother VIP Kosova”.
Gjatë një bisede, Xheneta u pyet për herën e fundit që ka pasur marrëdhënie intime, dhe përgjigjja e saj e dykuptimtë shkaktoi një reagim të menjëhershëm. Ajo fillimisht u shpreh se marrëdhënia e fundit intime mund të ketë ndodhur para hyrjes në shtëpi, por më pas shtoi me një ironi të dukshme:
“Mbase kam kryer marrëdhënie edhe këtu, por ju nuk e dini. Vetëm Gjesti mund t’ju japë përgjigjen.”
Kjo deklaratë ndezi spekulimet në publik dhe mes banorëve të shtëpisë, duke ngritur pikëpyetje nëse mes tyre ka pasur një moment të tillë gjatë qëndrimit në lojë.
Nga ana tjetër, Gjesti, i cili tashmë është pjesë e “Big Brother VIP Albania”, kishte bërë një deklaratë enigmatike përpara se të largohej nga BBVK, duke thënë se ka një sekret për Xhenetën që askush tjetër nuk e di. Kjo duket se e ka vënë në një pozitë të sikletshme Xhenetën, e cila i kërkoi hapur të mos e zbulonte atë çka mund të ishte mes tyre.
Spekulimet rreth këtij raporti po përfliten gjerësisht në publik dhe në rrjetet sociale, ndërsa fansat po presin me padurim reagime apo sqarime të mëtejshme nga Xheneta dhe Gjesti.
A është kjo thjesht një lojë strategjike apo një ndjenjë e sinqertë që ka kaluar kufijtë e shtëpisë? Përgjigjet mbeten ende të hapura, ndërsa “Big Brother VIP” vijon të sjellë surpriza në ekran./InfoKosova/
