Pas daljes së saj nga shtëpia e “Big Brother VIP Albania”, Ilnisa Agolli ka ndarë me publikun disa refleksione dhe ndjenja lidhur me përvojën e saj në këtë format të rrallë televiziv.
Si e ftuar në emisionin “Big Brother Radio” Ilnisa ka shpërndarë mendimin e saj për lojën dhe për ato momente që i ka shënuar rrugën e saj në shtëpinë e BBV.
Një nga temat që u trajtua ishte edhe përplasja e saj me Eglën në kuzhinë, e cila, sipas Ilnisë, u zgjerua më shumë se sa duhet. “Ai tigani u zgjerua shumë tani,” thotë ajo, duke përshkruar një incident të vogël që u bë më i madh se sa duhet. “Ka shumë presion aty brenda. Edhe një përplasje e vogël kthehet në tambur jashtë.”
Përjetimi në Dhomën e Bardhë, një eksperiencë e pazakontë për të gjithë banorët, ka lënë përshtypje të forta te Ilnisa.
Ajo përshkruan dhomën si një bote të veçantë dhe të pazakontë, ku fuqia e mendjes ishte thelbësore për të mbijetuar dhe për të funksionuar.
Në pyetjen nëse ajo kishte kuptuar se fama e Eglës i ka ardhur përmes saj dhe Meritonit, Ilnisa u përgjigj me një sinqeritet të rrallë. “Në fakt keq më vjen ta them, por po, kjo është e vërtetë,” thotë ajo. “Egla mori një vëmendje të konsiderueshme nga unë dhe Meritoni.”
Këto deklarata të sinqerta dhe të papritura tregojnë për ndjenjat e sinqerta të Ilnisë pas largimit nga shtëpia e BBV dhe refleksionet e saj mbi përvojën e ndarë me bashkëbanorët.
