Frashër Krasniqi nga Partia Socialdemkorate (PSD), e ka takuar në rrugë shefen e Grupit Parlamentar të Lëvizjes Vetëvendosje, Mimoza Kusari-Lila, të cilën e ka pyetur për bisedat telefonike me Milan Radoiçiqin.
Krasniqi ka publikuar një video në Facebook, teksa shihet duke e pyetur Kusari-Lilën nëse “po vazhdon koordinimi me Milan Radoiçiqin”.
“E pyeta, a janë duke u koordinu hala me Radojçiqin.
Nuk m’u përgjigj.
Por heshtjen e saj e mora si pohim.
Sepse Qeveria Kurti veç n’publik është kundër Serbisë.
Veç kur i duhet Serbia për me i sulmu ata që mendojnë ndryshe.
Ama koordinimin me Radojçiqin e ka në nivel”, ka shkruar Krasniqi, transmeton Telegrafi.
Derisa Krasniqi po i bënte pyetje, Kusari – Lila shihet duke qeshur dhe herë pas herë duke i kthyer përgjigje të shkurtra. /Telegrafi/
Shiko videon:
