Moderatori i njohur shqiptar, Ledion Liço, është bërë sërish qendra e vëmendjes pas përfundimit të spektaklit të mbrëmshëm të Big Brother Vip Albania. Por këtë herë, jo për shkak të moderimit të tij, por për një situatë të papritur që lindi nga një batutë gjatë programit.
Në një moment të emisionit, Ledioni rrëfeu një detaj personal duke thënë se gjithmonë e ka ndier mungesën e një teze, pasi nuk ka pasur kurrë një të tillë. Kjo deklaratë u prit me humor nga opinionisti Arbër Hajdari, i cili i sugjeroi me shaka se mund t’i “falte” tezen e tij.
Kjo batutë duket se ka bërë jehonë tek ndjekësit, të cilët menjëherë kanë vërshuar me mesazhe të shumta në Instagramin e tij, duke i ofruar “tezat” e tyre. I surprizuar nga kjo reagim masiv, Ledioni ndau një status në rrjetet sociale ku shkruan:
📝 “Mirëmëngjes Yje! Duke gjykuar nga mesazhet tuaja, të gjithë jeni të gatshëm të më ‘falni’ një teze. Nuk di ç’të mendoj për këtë. Ju dua!”
Ky moment ka ngjallur shumë reagime e komente në rrjet, duke treguar edhe një herë lidhjen e fortë që Ledioni ka krijuar me publikun ndër vite. Batutat spontane dhe komunikimi i tij i natyrshëm kanë bërë që ai të mbetet një nga moderatorët më të dashur për shqiptarët.
Mbetet për t’u parë nëse Ledioni do të pranojë ndonjë nga ofertat e ndjekësve për një teze të “dhuruar” apo do të vijojë me humorin e tij karakteristik!
Shiko postimin:
View this post on Instagram