Web Analytics

Mediumi kroat: Portieri i Shqipërisë është hit në Instagram dhe kuptohet pse

Thomas Strakosha ishte më i miri tek Shqipëria në barazimin 2-2 me Kroacinë në përballjen e djeshmenë Kampionatin Evropian.

Por, portieri i kombëtares së Shqipërisë, nuk është yll vetëm në fushë por edhe në rrjetet sociale.

Kështu së paku pretendon mediumi më i madh kroat, Index hr i cili shkroi se Strakosha është bërë hit në rrjet duke rrëmbyer zemrat e të gjithëve me imazhet që publikon në Instagram.

Strakosha, 29-vjeçar, është i përkushtuar ndaj familjes dhe publikon shpesh foto ku shfaqet me prindërit e tij dhe vëllain.

Ai ka lindur në Greqi dhe babai i tij ishte gjithashtu një futbollist, shkruan mediumi kroat.

Thomas aktualisht luan për klubin anglez të futbollit Brentford dhe jashtë fushës i pëlqen të lexojë libra dhe të dëgjojë muzikë.

Këngëtari i tij i preferuar është Eminem dhe ka deklaruar se do të kishte qenë reper nëse nuk do të ishte bërë futbollist.

Strakosha, përveç se një talent dhe hero në fushë ka fituar vëmendjen e të gjithëve në internet duke rrëmbyer zemrat e të gjitha vajzave.

Futbollisti i pashëm e mban jetën private larg syve të publikut, ndaj nuk dihet nëse ka të dashur. /Telegrafi/

Nga rubrika