Nga Qendra Klinike e Mjekësisë Familjare (QKMF) e Obiliqit është raportuar një rast për vdekjen e një personi.
Sipas raportit të Policisë së Kosovës bëhet e ditur se ngjarja ka ndodhur të premten rreth orës 09:50 në fshatin Lajthishtë, në Obiliq.
Siç bëhet e ditur viktima është gjetur pa shenja jete në rrugë afër shtëpisë së tij.
Ndërkaq, me urdhër të prokurorit kujdestar, trupi i pa jetë i viktimës u është lënë familjarëve për të vazhduar me ritet dhe ceremoninë e varrimit. /Telegrafi/
