Regjisorja e njohur Arnita Beqiri është përfolur shpesh së fundmi për ndarjen nga Arbër Çepani.
E ndërsa asnjëri s’ka dalë hapur ta pranojë këtë, të dy ata kanë dhënë intervista ku flasin për të ardhmen pa përmendur njëri-tjetrin.
Së fundmi Arnita ka folur në një intervistë ku është pyetur se cilat për të janë fundet.
“Unë jam një njeri që padyshim e shoh veten pas njëfarë kohe me një familje, është brenda dëshirave të mia.
Fundet e pakëndshme për mua janë padyshim fundet e gënjeshtërta, ato që janë të pavërteta.
Unë nuk i jap vetes atribute të fal ose të mos fal, unë kam në dorë vetëm të pranoj ose të mos pranoj diçka“, ka thënë Arnita, mesazh i cili duket si referim për lidhjen e saj të gjatë me biznesmenin.
