Prej disa ditësh është duke u përfolur në rrjet prishja e marrëdhënies së Luizit me miqtë e vjetër të tij.
Dy prej tyre ishin mbrëmë në koncertin e Ejllit në Gjakovë, mirëpo jo me ftesë të tij.
I pyetur nga Prive, Meridian Ramçaj, një prej zërave më të zjarrtë deklaroi se ftesën për event e ka marrë nga Atdheu.
‘Nuk jam në backstage (prapaskenë) sepse më ka ftuar Atdheu dhe dua ta shijoj jashtë Big Brotherit që ka mbaruar’, u shpreh ai mes tjerash.
Meridiani e mohoi që nuk kanë kontakt me Luizin mirëpo la të nënkuptohet se disa gjëra mund t’i jenë transmetuar gabim atij në këto ditë pas daljes.
Ramçaj u pyet edhe për heqjen nga Instagrami i Luizit të tij dhe dy shokëve të tjerë për një ditë gjatë javës, zhvillim ky që pushtoi portalet.
