Lionel Messi po planifikon një rikthim të mahnitshëm te Barcelona në vitin 2026, sipas burimeve të besueshme nga Gol Digital.
Pas përfundimit të kontratës me Inter Miami në fund të dhjetorit të vitit 2025, argjentinasi pritet të largohet nga MLS për të ndjekur mundësinë e një rikthimi te klubi që e bëri famshëm.
Messi do të ketë një periudhë gjashtëmuajshe për t’u përgatitur për Kupën e Botës FIFA 2026, ku ai shpreson të luajë një rol të rëndësishëm për kombëtaren e tij. Pjesa më e madhe e planetve të tij përfshin mbajtjen e ritmit dhe formës optimale për këtë ngjarje sportive, një arritje që ai beson se mund ta realizojë duke u rikthyer në Barcelona.
Messi beson se ka ende punë të papërfunduar në Barcelonë dhe mund të kthehet si agjent i lirë në janar të vitit 2026. Nëse ky rikthim realizohet, ai do të vijë si një legjendë për të rinovuar lidhjet me klubin dhe tifozët nga të cilët ndjehet i lidhur fort.
Presidenti Joan Laporta shpreson ta sjellë përsëri Messin pas një periudhe të vështirë kur ai nuk arriti ta ndalonte largimin e tij në vitin 2021. Një rikthim i tillë do të ishte një kapitull i ri jo vetëm për Messi-n, por edhe për klubin, i cili ka një histori të madhe me lojtarin më të njohur në botë.
Tetë herë fituesi i Topit të Artë po kalon një sezon fantastik në MLS, ku deri më tani ka shënuar 20 gola në 19 paraqitje me fanellën e Inter Miamit. Me rastin e rikthimit të tij në Barcelona, tifozët besojnë se Messi do të sjellë përsëri magjinë dhe suksese për klubin e tij të dashur.