Aktori i njohur Rezart Veleshnja ka dhënë një deklaratë të rëndësishme pas arrestimit të tij nga Policia e Durrësit për akuzën e mashtrimit, duke ofruar versionin e tij mbi ngjarjen që ka shkaktuar shumë reagime në opinionin publik.
Veleshnja, i njohur për performancat e tij në ekran, ka përjetuar një situatë dramatike që ndodhi kur ai dyshohet se mori një automjet nga Y. T. nëpërmjet mashtrimit, i cili më pas u raportua se u shit për 2 mijë euro.
Kjo ngjarje ka ngjallur interes të madh dhe shqetësim mes fansave dhe mediave, të cilat kanë ndjekur me vëmendje zhvillimet e saj.
“Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq!
Nuk ka asnjë gjë këtu, jo u arrestua jo… turp! Ishte një automjet që kishte humbur, kaq! E kam përdorur dikur, por unë s’kam lidhje më me atë makinë pasi e kam hequr”, është shprehur aktori.
