Policia e Kosovës e ka ndaluar një person në fshatin Gracë pasi është kapur duke vozitur në 215 km/h në zonën e kufizimit 80.
Në njoftimin e Policisë bëhet e ditur se rasti ka ndodhur sot në orët e hershme të mëngjesit.
“Më datën 25.05.2023 rreth orës 04.00 shoferi i veturës Audi, ka tejkaluar patrullën e trafikut në rrugën nacionale Prishtinë-Mitrovicë, duke arritur shpejtësinë e veturës në 215 km/h, në zonën e kufizimit 80.
Në bashkëpunim me patrullën e rajonit të Mitrovicës është ndaluar ngasësi i automjetit në fshatin Gracë.
Ndaj shoferit janë ndërmarrë masat ligjore”, thuhet në njoftim. /Telegrafi/
