Trajneri i Paris Saint-Germain, Luis Enrique, ka bërë një deklaratë të fortë para ndeshjes vendimtare kundër Liverpool-it në “Anfield”, ku ekipi i tij përballet me një sfidë të madhe për të vazhduar ëndrrën e tij në Champions League.
Pasi PSG humbi ndeshjen e parë me rezultatin 1-0, Luis Enrique theksoi se gjithçka është vendosur për këtë ndeshje, duke shpjeguar nevojën për një përmbysje të madhe. “Ne kemi vetëm një opsion: të fitojmë. Kjo është e vetmja mënyrë për të mbajtur gjallë shpresat tona në këtë kompeticion”, deklaroi ai gjatë konferencës për mediat.
Më tej, ai foli për përgatitjet e ekipit: “Kemi ndjekur programin tonë të zakonshëm. Pas humbjes kundër Liverpool-it, analizuam gabimet tona dhe u përgatitëm për ndeshjen e ardhshme kundër Rennes. Nuk ka ndryshim në qasjen time; ne jemi të fokusuar për të treguar më të mirën tonë në fushë”.
Luis Enrique gjithashtu nuk e fshehu përkushtimin e tij ndaj atmosferës që ofron “Anfield”: “Nuk ka asnjë lojtar në skuadrën tonë që të mos dëshirojë të luajë në një stadium kaq historik. Atmosfera është e jashtëzakonshme dhe na motivon të japim maksimumin. Ne duam të tregojmë se jemi në gjendje të zhvillojmë një ndeshje të shkëlqyer dhe të përmbysim rezultatin”.
Për menaxhimin e emocioneve, ai tha: “Këto ndeshje janë të vështira për të përgatitur, por ne duhet të jemi 100% të përqendruar. Menaxhimi i emocioneve është kritik. Ne e dimë se çfarë bëjmë mirë dhe çfarë duhet të përmirësojmë ndaj qëllimi ynë është që të mbajmë kontrollin e topit”.
Duke folur për sulmin dhe konkretizimin, Enrique ndau mendimet e tij: “Ka gjithmonë hapësirë për përmirësim. Ne duhet të jemi më të saktë para portës dhe të ruajmë ekuilibrin e ekipit. Kam besim në aftësitë e skuadrës sime dhe e dimë se çfarë mundemi të arrijmë vetëm nëse sulmojmë dhe mbrojmë si një ekip”.
Enrique, i kualifikuar në përmbysje, ndau përvojat e tij të kaluara: “Kam pasur momente të vështira në karrierën time, dhe është e vërtetë se ndonjëherë duhen të përmbyseshin rezultate të papritur. Më pëlqen të menaxhoj këto situata dhe kam besim në aftësitë e mia”.
Për fjalët e tij pas ndeshjes së parë me Liverpool-in, ai theksoi: “Normalisht, unë nuk flas shumë me lojtarët menjëherë pas ndeshjeve, por pas humbjes bëra një përjashtim. Megaht, nuk mendoj se e përsërisit më këtë”.
Përballja e kësaj natyre kërkon një përkushtim maksimal dhe një strategji të qartë. PSG, me Luis Enrique në krye, do të kërkojë të rikuperojë shanset dhe të krijojë emocion në këtë sfidë të rëndësishme, duke synuar një përmbysje që do të mbahet mend në historinë e Champions League.
Një fitore në “Anfield” do të kishte një ndikim të thellë jo vetëm për ekipin, por gjithashtu do të nxisë besimin e tifozëve dhe do të rikthejë entuziazmin për futbollin në Paris. Kjo përballet me një Liverpool që është gjithashtu në kërkim të lavdisë dhe do të bëjë gjithçka për të siguruar kalimin e tyre në fazën tjetër të kompeticionit.