Pas një ndeshjeje të mbushur me tension dhe emocione, Spanja ka arritur të shpallet kampione e re e Botës, duke mundur Argjentinën me rezultatin 1-0 në një finale të zhvilluar në MetLife Stadium.
Takimi filloi me një mundësi të shkëlqyer për Spanjën në minutën e 5-të, kur Lamien Yamal, pas një asistimi të Dani Olmo, tentoi të shënojë, por goditja e tij u devijua nga Lisandro Martinez dhe u ndal nga portieri Emi Martinez.
Argjentina reagoi menjëherë me një kundërsulm të shpejtë, ku Lionel Messi kaloi mbrojtësit spanjollë, por Unai Simon ishte në vendin e duhur për të larguar rrezikun. Pjesa e parë përfundoi pa gola, me tensionin në rritje në stadium.
Pjesa e dytë nisi me një vrull të madh nga Spanja, ku Alex Baena kishte një mundësi të mirë për të shënuar, por goditja e tij u ndal nga Martinez, duke mbajtur rezultatin të pandryshuar.
Minutat e fundit të kohës së rregullt ishin të mbushura me dramatikë. Nico Williams kishte një mundësi të shkëlqyer, por goditja e tij u grushtua nga Martinez. Ndërkohë, Enzo Fernandez u ndëshkua me karton të kuq, duke lënë Argjentinën me një lojtar më pak.
Edhe pse Spanja dominoi lojën, koha e rregullt përfundoi pa gola, duke e çuar ndeshjen në 30 minuta shtesë, ku Argjentina ishte e detyruar të mbrohej më fort.
Në minutën e 93-të, një goditje me kokë nga Nico Williams përsëri u ndal nga Martinez, ndërsa në minutën e 96-të, Spanja gjeti rrugën drejt golit, por ai u anulua për faull të Merinos ndaj Otamendit.
Goli i shumëpritur erdhi në pjesën e dytë të shtesës, kur Ferran Torres shënoi pas një krosimi të bukur nga Nico Williams. Ky gol i dha Spanjës avantazhin që e mbajti deri në fund.
Në minutën e 113-të, Torres shënoi sërish, por goli u anulua për pozicion jashtë loje. Pas 120 minutash lojë, Spanja shpallet kampione e re e Botës, duke e fituar këtë titull të dytë pas atij të vitit 2010, ndërsa Argjentina dhe Lionel Messi e mbyllin ndeshjen mes lotësh.
[[M1]]