Platforma “X Media”, e themeluar nga vëllezërit Donald dhe Romeo Veshaj, ka hyrë në një periudhë të paqartë, duke pezulluar publikimin e përmbajtjeve të reja për më shumë se tre javë.
Kjo situatë ka shkaktuar një valë spekulacionesh dhe shqetësimesh mes ndjekësve të saj, të cilët po pyesin për të ardhmen e këtij projekti mediatik.
Ngjarjet filluan pas publikimit të fundit në platformë, që daton më 13 qershor, kur u transmetua emisioni “Më Lër Ta Mbaroj”.
Pas atij episodi, Donaldi kishte lënë të kuptohej se do të rikthehej javën e ardhshme, por që nga ajo ditë, asnjë program i ri nuk është shfaqur.
Heshtja e papritur ka ngritur shqetësime, sidomos në një moment delikat për vëllezërit Veshaj, të cilët ishin përfshirë në debate të ashpra lidhur me investimet në Zvërnec.
Qëndrimi i tyre pro investimit dhe kundër protestës ka shkaktuar një rënie të ndjeshme të ndjekësve në rrjetet sociale.
Pas kësaj, shumë përdorues në rrjetet sociale filluan të aludonin se pezullimi i programit ishte rezultat i një bojkoti të mundshëm ndaj produksioneve të tyre, duke u bërë kështu një temë e nxehtë diskutimi.
Pas një periudhe heshtjeje, Romeo Veshaj ka reaguar në mënyrë të papritur, duke zgjedhur të thyejë heshtjen me një mesazh thumbues dhe sarkastik. Ai ka ndarë një foto në InstaStory, ku shfaqet i ulur në zyrën e “X Media”, me një buzëqeshje të gjerë në fytyrë, duke sugjeruar se aktiviteti i tyre vazhdon prapaskenave.
Mesazhi mbi foto ka tërhequr vëmendjen e publikut: “Ç’thotë plazhi?! Mirë?!”, duke lënë të kuptohet se ata po shijojnë një pushim të merituar, ndoshta për të reflektuar mbi situatën aktuale.
Screenshot