Fituesi i Topit të Artë për vitin 2024 do të bëhet zyrtarisht i ditur sot (e hënë) në një ceremoni që do të mbahet në Paris.
Ky vit është históik, pasi për herë të tretë që nga viti 2007, ky prestigjioz çmim nuk do t’i takojë as Lionel Messi, as Cristiano Ronaldo, dy legjendat më të mëdha të futbollit. Kjo e bën ngjarjen edhe më intriguese, duke e hapur garën për brezin e ri të yjeve në futbollin global.
Mediet ndërkombëtare, përfshirë Daily Mail, kanë zbuluar një listë të pakonfirmuar e cila parashikon se Vinicius Junior është fituesi i Topit të Artë me 630 pikë të grumbulluara. Ky sukses e ka vendosur brazilianin në majën e renditjes, duke lënë pas Rodrin, i cili përfundon i dyti me 576 pikë. Kjo është një arritje e jashtëzakonshme për Vinicius, që ka bërë një sezon të shkëlqyer me Real Madridin.
Jude Bellingham, po ashtu një emër i njohur në botën e futbollit, mbyll tri vendet e para me 422 pikë. Ai është pjesë e një grupi të njohur anglezësh, ku Harry Kane dhe Phil Foden pozicionohen në renditjet e katërt dhe të tetë përkatësisht.
Kylian Mbappe e mbyll listën e katërt me 317 pikë, ndërsa Lamine Yamal e ndjek atë nga pas në vendin e shtatë. Në mesin e lojtarëve që gjithashtu kanë spikatur këtë vit janë Dani Olmo, Florian Wirtz, Dani Carvajal dhe Antonio Rudiger, që pozicionohen respektivisht në vendet e nëntë deri në dymbëdhjetë.
Përveç emrave të njohur, befasia më e madhe është pozita e Erling Haaland, që rënditet i gjashti me vetëm 195 pikë, pavarësisht nga arritjet e tij të jashtëzakonshme në sezonin e kaluar, ku shënoi 38 gola në 45 ndeshje për Manchester City.
Lista e plotë e lojtarëve sipas pikëve të marra:
Vinicius Junior (Brazil, Real Madrid) – 630 pikë
Rodri (Spanjë, Man City) – 576 pikë
Jude Bellingham (Angli, Real Madrid) – 422 pikë
Kylian Mbappe (Francë, Real Madrid) – 317 pikë
Harry Kane (Angli, Bayern Munich) – 201 pikë
Erling Haaland (Norvegji, Man City) – 195 pikë
Lamine Yamal (Spanjë, Barcelona) – 128 pikë
Phil Foden (Angli, Man City) – 29 pikë
Dani Olmo (Spanjë, Barcelona) – 25 pikë
Florian Wirtz (Gjermani, Bayer Leverkusen) – 24 pikë
Dani Carvajal (Spanjë, Real Madrid) – 17 pikë
Antonio Rudiger (Gjermani, Real Madrid) – totali i pikëve nuk dihet
