Efi Dhedhes ka zbuluar se për shkak të aktores Olta Gixhari, nuk u bë pjesë e edicionit të kaluar të ‘Dancing with the Stars’.
Gjatë rubrikës në ‘E diell’, Efi pranoi se kur mësoi se Olta do ishte në juri, vendosi që ta shmangë përballjen me të, pasi e dinte se do të kishin debate për shkak të ngjarjeve që ndodhën në ‘BBV’.
“Në fillim doja, por më vonë mora vesh disa emra që do të ishin pjesë në një farë mënyrë. Isha shumë e ngarkuar pas ‘BBV’ për t’u përballur përsëri me debate ose situata të sikletshme që mund të ndodhnin aty. Olta ishte.
Nuk kemi asnjë lloj marrëdhënie. Sapo kishte mbaruar Big-u dhe do kishim ato diskutimet tona të lezetshme, unë nuk kisha nerva”.
