Web Analytics

Eksperti i sigurisë: Radoiçiq ka hapur fabrikë monedhash false, arrestohen dy grupe në Kosovë

Botuar nga: InfoKosova

Eksperti i sigurisë Bedri Elezi, ka folur për situatën në Ballkanin Perëndimor.

Ai tha se Radoiçiqi po i bën një dëm të madh rajonit pasi ka hapur fabrikë për falsifikimin e monedhave.

Sipas tij, tashmë dy grupe kriminale që merren me këtë veprimtari janë identifikuar dhe arrestuar në Kosovë.

“Dua të përmend një informacion, Radoiçiçi qëndron pas një krimi shumë të madh që po i bëhet Europës sepse ka në posedim një fabrikë për prodhimin e monedhave false me çfarë e ka vërshuar së fundmi rajonin. Gjithashtu ai ka monedha false si të vogla edhe të mëdha në të gjithë Europën”.

“Ne për këtë kemi njoftuar edhe policinë e Kosovës, se Radoiçiçi ka në posedim një vend ku prodhon monedha të falsifikuara dhe të njëjtat së fundmi janë prezente në territorin e Republikës së Kosovës ka pasur dy grupe të arrestuara dhe janë sekuestruara qindra mijëra euro. Dua të përmend faktin se ai përpos që është një kriminel që dëmton qytetarët e Kosovës, dëmton gjithë rajonin e Europës me këto monedha false”, tha Elezi një intervistë për Euronews Albania.

Të FUNDIT