Romelu Lukaku mund të largohet nga Serie A gjatë verës së vitit të ardhshëm.
Sulmuesi belg kishte oferta nga klubet e Arabisë Saudite në verën e vitit të kaluar, por vendosi t’i bashkohej Romës pasi i prishi punët me Interin.
E tash, mediumi italian “Gazzetta dello Sport” shkruan se klubet nga Saudi Pro League e kanë rikthyer interesimin për ish-futbollistin e Chelseat, Evertonit dhe Manchester Unitedit.
Klubi Al-Hilal ia ka ofruar sulmuesit belg një rrogë prej 30 milionë eurosh neto në vit, me një kontratë dyvjeçare.
Një ofertë e jashtëzakonshme për sulmuesin, i cili nuk ka vendosur ende nëse do të luajë në Evropë edhe sezonin e ardhshëm ose jo.
Lojtari është huazuar në kryeqytetin italian, ndërsa është ende në pronësi të Chelseat, i cili është i gatshëm ta shesë atë për afro 40 milionë euro.
